ԱՄՆ Ներկայացուցիչների պալատը սեպտեմբերի 23-ին հաստատել է հաջորդ ֆինանսական տարվա պաշտպանական բյուջեի նախագիծը՝ 778 մլրդ դոլար:
Կոնգրեսի Ստորին պալատի կայքը նշում է, որ փոփոխություն է կատարվել օրինագծում, որի համաձայն՝ Պենտագոնը և Պետդեպարտամենտը պետք է զեկույց պատրաստեն 2020 թվականին Լեռնային Ղարաբաղում Ադրբեջանի գործողությունների վերաբերյալ: Փաստաթուղթը պետք է ներկայացվի օրենսդիր մարմնի համապատասխան հանձնաժողովներին:
Բացի դրանից՝ ենթադրվում է, որ օրենսդիրները կոչ կանեն Ադրբեջանի իշխանություններին «ազատ արձակել բոլոր հայ ռազմագերիներին և գերեվարված խաղաղ բնակիչներին»: Փոփոխության մեջ նշվում է, որ Կոնգրեսն ԱՄՆ վարչակազմին կոչ է անելու այդ ուղղությամբհամագործակցել Ադրբեջանի հետ:
