Հայաստանում պատվաստված մարդը մահացել է կորոնավիրուսից։ Այդ մասին ֆեյսբուքյան իր էջում գրել է Փաստաբանների պալատի նախագահ, «Ազատ կամք» նախաձեռնության հիմնադիր Արա Զոհրաբյանը։
«Վարչապետ Նիկոլ Փաշինյանը 24.09.2021թ. նշել է, որ «ավելի քան 300.000 պատվաստումներից մենք չունենք հիշատակության արժանի բարդություն»:
Վստահ եմ, որ ապատեղակատվություն է ներկայացվել Նիկոլ Փաշինյանին, քանի որ այդպիսի ոչ արժանահավատ պնդում չէր կարող կատարել (առայժմ այլ պնդում չեմ անում):
Մինչդեռ հիշատակության արժանի բարդություն է արձանագրվել Թեմուր Գրիգորի Նարինյանի մոտ: Թեմուր Նարինյանը պատվաստված էր (‼ առաջին դեղաչափ՝ 27.07.2021թ., ‼ 2-րդ դեղաչափ՝ 31.08.2021թ.), սակայն վարակվել է կորոնավիրուսով, 11.09.2021թ. հոսպիտալացվել է, իսկ 17.09.2021թ. մահացել է կորոնավիրուսից»,- նշել է նա:
