Վահագն Խաչատուրյանը կանգնած է ՀՀ պետականության կերտման ակունքներում, նա իր անցած ճանապարհով, իր կենսագրությամբ ապացուցել է, որ կարող է և արժանի է զբաղեցնելու ՀՀ նախագահի բարձր պաշտոնը։
Այս մասին ԱԺ հերթական նիստին հայտարարեց «Քաղաքացիական պայմանագիր» խմբակցության ղեկավար Հայկ Կոնջորյանը՝ ներկայացնելով իրենց կողմից ներկայացված նախագահի թեկնածու Վահագն Խաչատուրյանին։
«Նա իր քաղաքական խոհեմությամբ, լայնախոհությամբ, միանշանակ, կարող է այս կարևոր առաքելությունն այս պատմական ժամանակներում մեծ պատվով և պատասխանատվությամբ իրագործել, և ահա այս հիմքերն են հանդիսացել պատճառ, որ ՔՊ պատգամավորներն առաջադրել են Վահագն Խաչատուրյանի թեկնածությունը որպես ՀՀ նախագահ»,- ասաց Կոնջորյանը՝ հավելելով, որ իրենք միաձայն ընտրելու են Խաչատուրյանին։
Հիշեցնենք՝ Արմեն Սարգսյանը ՀՀ նախագահի պաշտոնից հրաժարական էր ներկայացրել հունվարի 23-ին։ ԱԺ ընդդիմադիր խմբակցությունները թեկնածու չեն առաջադրել, նաև հայտարարել են, որ չեն մասնակցի նախագահի ընտրությանը։
