Թե ինչի Մեղրին գազ չունի, ամենալավը Մեղրիի տարածաշրջանում գիտեն։ Այս մասին ԱԺ-կառավարություն հարցուպատասխանի ժամանակ հայտարարեց ՏԿԵ նախարար Գնել Սանոսյանը՝ պատասխանելով այդ տարածաշրջանի գազաֆիկացման հարցի չլուծվածության մասին ՔՊ պատգամավոր Արմեն Խաչատրյանի հարցին։
«2017-ին Մեղրի քաղաքը մոտ 90 տոկոսով, Ագարակը՝ մոտ 10 տոկոսով, այսպես ասած, գազաֆիկացվել են, այսինքն՝ անցկացվել է ցանց, սակայն չի գազաֆիկացվել։ Կառավարությունը մոտ 289 մլն դրամ գումար է հատկացրել Տարածքային զարգացման հիմնադիրամին և 2021-ի հոկտեմբերին այդ ծրագիրն իր ավարտին է հասցվել, որոշակի աշխատանքներ են տարվել, և մինչև հաջորդ հինգշաբթի այդ համակարգը կհատկացնենք «Գազպրոմին»»,-նշեց նախարարը։
Ըստ նախարարի՝ մինչև աշուն Մեղրիի տարածաշրջանի մեր հայրենակիցները գազ կունենան։