Երկար ժամանակ Ադրբեջանը հայտարարում էր, որ քննարկվում է միջանցքի հարցը։ Բայց ոչ միայն
պաշտոնական Երևանը, այլև պաշտոնական Մոսկվան, նաև պաշտոնական Բրյուսելը ասել են՝ միջանցք երբեք չի քննարկվել։
Այս մասին ԱԽ քարտուղար Արմեն Գրիգորյանն ասել է լրագրողների հետ զրույցում՝ անդրադառնալով երեկ Ադրբեջանի նախագահ Իլհամ Ալիևի այն հայտարարությանը, թե, այսպես կոչված, Զանգեզուրի միջանցքն արդեն իրականություն է։
«Բանակցային գործընթացի ընկալման խնդիր կա։ Բոլորը հայտարարում են, որ միջանցք երբեք չի քննարկվել, բայց ադրբեջանական կողմն անընդհատ անհասկանալի պատճառով այդ մասին է հայտարարում»-ասաց նա։
Հիշեցնենք, որ երեկ Աշխաբադում տեղի ունեցած Կասպիական վեցերորդ գագաթնաժողովի ժամանակ Իլհամ Ալիևը հայտարարել է, որ «Զանգեզուրի միջանցքն» արդեն իրականություն է։