Ընդդիմադիրներին մանդատից զրկելու հարցով նախատեսված ԱԺ խորհրդի նիստը չկայացավ քվորում չլինելու պատճառով։
ԱԺ նախագահ Ալեն Սիմոնյանի նախագահությամբ այսօր՝ ժամը 10։30-ին, խորհրդի արտահերթ նիստ էր գումարվել, որի օրակարգում ԱԺ «Հայաստան» և «Պատիվ ունեմ» խմբակցությունների 33 պատգամավորների լիազորությունները դադարեցնելու հարցով Սահմանադրական դատարան դիմելու մասին հարցն էր։
ԱԺ նախագահի մամուլի խոսնակ Ծովինար Խաչատրյանն Armenia Today-ին հայտնեց, որ խորհրդի նիստը հետաձգվել է երկու ժամով։
Նշենք, որ այս քննարկումը հետաձգվել էր, քանի որ ընդդիմադիր պատգամավորները ներկա չէին, իսկ «ԱԺ կանոնակարգ» օրենքը սահմանում է, որ մեկ շաբաթից պետք է հարցը կրկին քննարկման դնել:
Հատկանշական է, որ ԱԺ փոխնախագահ Ռուբեն Ռուբինյանը հայտնել էր, որ ընդդիմադիր պատգամավորներին մանդատից զրկելու միջնորդությամբ խմբակցությունը որոշել է չդիմել ՍԴ։
Հիշեցնենք, որ այդ ցուցակում ընդգրկված չէ «Պատիվ ունեմ» խմբակցության անդամ Թագուհի Թովմասյանը և այն լքած Իշխան Զաքարյանը։