Անջատվեք տոնածառի ու Եվրատեսելի լույսերից ու գնացեք Արեգունի: ԱԺ հայտարարությունների ժամին իր ելույթում ասաց ԱԺ «Հայաստան» խմբակցության պատգամավոր Աղվան Վարդանյանը՝ իր խոսքն ուղղելով պաշտոնյաներին:
Նա նշեց, որ վերջերս այցելել են մի ընտանիքի, որի տան հայրը՝ 1993թ. ծնված պայմանագրային զինծառայող Վահան Մեխակի Հակոբյանը զոհվել է սեպտեմբերյան մարտերի ժամանակ:
«Վահանն ու իր կինը 2014-ին են ամուսնացել, բայց չեն գրանցել ամուսնությունը: Արդեն մոտ 3 ամիս է՝ ընտանիքը չի կարողանում բյուրոկրատական քաշքշուկը հաղթահարել ու ստանալ զոհված զինծառայողի ընտանիքի համար նախատեսված հատուցումը»,-ասաց Ա. Վարդանյանը՝ պաշտոնյաներին խորհուրդ տալով գնալ Արեգունի, ուր և ապրում է ընտանիքը:
Մանրամասները՝ տեսանյութում: