Արցախի քաղաքացիներից ահազանգեր ենք ստացել, որ մնացել են ճանապարհին և կացության ու սննդի խնդիրներ են ունեցել: 2020 թվականի պատերազմին և դրանից հետո Գորիսը թիկունքային աշխատանքները պատասխանատու կերպով իրականացնում է, և նույնն այս պահին, ասում է փոխքաղաքապետը: Այս մասին Armenia Today-ի հետ զրույցում ասաց Գորիսի փոխքաղաքապետ Իրինա Յոլյանը:
«Մենք Սյունիքի մարզպետարանի և Արցախի մեր գործընկերների հետ մշտապես կապի մեջ ենք և արագ արձագանքնել ենք բոլոր հումանիտար հարցերին: Մոտ 200 քաղաքացի, մեծ մասը կանայք ու երեխաներ, տեղավորվել են Գորիսի հյուրանոցներում: Նրանք ովքեր հումանիտար աջակցության կարիք են ունեցել ստացել են, մենք անձամբ ենք այցելել հյուրանոցներ»,- ասաց փոխքաղաքապետը:
Նրա խոսքով, խոսել են հյուրանոցում մնացած քաղաքացիների, հյուրանոցի տերերի հետ, գնահատել են կարիքները, որպեսզի անհրաժեշտության դեպքում արձագանքնեն բոլոր խնդիրներին:
Այս պահի դրությամբ ունեն երեք քաղաքացիներ, ովքեր հետվիրահատական բուժում են անցնում և այս ընթացքում փորձել են վերադառնալ Արցախ, բայց չեն կարողացել: Նրանք այս պահին գտնվում են հյուրանոցներում:
«Մինչև այժմ, ովքեր դիմել են, տեղավորվել են հյուրանոցներում, այս պահին կացության ու սննդի կարիք ունեցող քաղաքացիներ չկան»,- ասաց Իրինա Յոլյանը: