Թշնամական գործողությանը պետք է պատասխանել քաղաքական հարթության մեջ, այլ ոչ թե անատամ ինչ-որ հայտարարություններով․ առավոտյան վեր են կենում, պահանջում են բացել Լաչինի միջանցքը, «պտիչկան» դնում ու հանգիստ խղճով տուն են գնում։ Այս մասին ԱԺ հայտարարությունների ժամի իր ելույթում ասաց «Հայաստան» խմբակցության պատգամավոր Արթուր Խաչատրյանը։
Նա ասաց, որ հարցին, թե ինչ արվում Արցախի համար, փողն են մեջբերում, նկատի ունենալով ՀՀ կառավարոթյան՝ Արցախին հատկացվող օգնությունը։
«Խնդիրը պետք է ունենա քաղաքական լուծում։ Հայաստանի Հանրապետության իշխանությունները պետք է ի պատասխան Ադրբեջանի թշնամական քաղաքականությանը և միջազգային ասպարեզ վերադարձնեն Արցախի քաղաքական կարգավորման, կարգավիճակի հարցը, որը դուրս է մղվել բանակցություններից»,- ասաց Խաչատրյանը։
Արցախի ժողովուրդն Ադրբեջանի կազմում չի կարոող ապրել, նրան գոյութենական վտանգ է սպառնում, հետևաբար, ըստ պատգամավորի, պետք է խոսել «Ճանաչում՝ հանուն փրկության» բանաձևի մասին։
«Ադրբեջանը թող մնա իր իսկ «ֆինտի» տակ։ Գնացին թշնամակն գործողության՝ օգտվենք այս փաստից և պատասխան տանք»,- ասաց պատգամավորը։
Մանրամասները՝ տեսանյութում։