Պետգույքի կառավարման կոմիտեն կգործարկի «Արտակարգ իրավիճակների օդանավակայան» ՓԲԸ-ն՝ այն հանձնելով Պաշտպանության նախարարությանը։ Տեղեկությունը ստանում ենք e-draft հարթակից:
Ըստ շրջանառության մեջ դրված նախագծի՝ այս օդանավակայանը գտնվում է Լոռու մարզի Ստեփանավան քաղաքում, Վրաստանից 20 կմ հեռավորության վրա։ Օդանավակայանը երկար տարիներ թռիչքներ չի իրականացրել և գործունեություն չի ծավալել։ Ներառում է 61,7 հա հողատարածք, իսկ շենքերի գերակշիռ մասն ամբողջությամբ քանդված է։
«Որոշման նախագծի մշակման համար հիմք էր հանդիսացել 2023 թ. փետրվարի 14-ի ՀՀ պաշտպանության նախարարության թիվ ՊՆ/510/766-2023 գրությունը՝ հասցեագրված ՀՀ տարածքային կառավարման և ենթակառուցվածքների նախարարությանը»,- ասված է նախագծում։
Նշվում է նաև, որ նպատակը պետական նշանակության գործունեության պահպանումն ու ՀՀ-ում փոքր ավիացիայի զարգացումն է:
