«Սրբազան պայքար» շարժման առաջնորդ Բագրատ արքեպիսկոպոս Գալստանյանը Հայաստանի իշխանություններին մեղադրել է քաղաքականության մեջ, որն իրականացվում է բացառապես նպատակ ունենալով ամեն գնով իրենց վերահսկողության տակ պահել դրամական հոսքերը՝ ի վնաս պետության առաջնահերթ խնդիրների լուծման։
«Այս մարդկանց նպատակը, ինչպես միշտ ասել ենք, և սա է ճշմարտությունը, ամեն գնով իշխանություն և փող պահելն է, պահպանել դրամական հոսքերը, որին այսպես թե այնպես կարող են տիրապետել իշխանական լծակների շնորհիվ, պահել իրենց վերահսկողության տակ, ինչպես նաև պահպանել իշխանություն, որն ուղղակիորեն նպաստում է միայն իրենց հաճույքներին, այլ տեսլական, երազանք, ձգտում չունեն, ոչ մի այլ նպատակ՝ կապված պետության, հայրենիքի հետ»,- նշել է Գալստանյանը։
«Սրբազան պայքարի» առաջնորդի խոսքով՝ վերջին շրջանում այնքան իրադարձություններ են տեղի ունենում, և իշխանությունները զբաղված են «տարբեր փոքր տեսանյութեր դիտելով, սուրճ խմելով, և դա նշանակում է, որ նրանք ամբողջովին «դատարկված են, այլևս չկա որևէ հետաքրքրություն կամ որևէ այլ թեմա՝ կապված մեր երկրի զարգացման, անվտանգության խնդիրների լուծման հետ»։
Հոկտեմբերի 30-ին «Սրբազան պայքար» շարժումը հայտարարել էր, որ Գալստանյանը բուժզննման նպատակով երկու օրով մեկնելու է արտերկիր։
Տավուշի սահմանամերձ գյուղերի բնակիչները բողոքի ակցիաներ էին սկսել ՀՀ ԱԳՆ-ի՝ ապրիլի 19-ի հայտարարությունից հետո, որով Հայաստանն ու Ադրբեջանը պայմանավորվել էին սահմանազատման գործընթացն սկսել Տավուշից։ Գալստանյանի գլխավորությամբ մայիսի 4-ին «Տավուշը հանուն հայրենիքի» շարժումը երթ էր սկսել դեպի Երևան, ուր հասել էին մայիսի 9-ին և նույն օրն անցկացրել առաջին հանրահավաքը։
Հունիսի 10-ին ցուցարարները վրաններ էին տեղադրել Ազգային ժողովի դիմաց՝ փակելով Բաղրամյան պողոտան։ Հունիսի 12-ին ԱԺ շենքի մոտ տեղի ունեցած հավաքն ավարտվել էր բախումներով։ Հունիսի 19-ին Գալստանյանը հայտարարել էր, որ շարժումը պայքարի վերադասավորման փուլում է։
Սեպտեմբերի 22-ի հանրահավաքի ժամանակ Գալստանյանը հայտարարել էր, որ հոկտեմբերի 2-ից ակտիվ պայքար են սկսելու։
