Սոչիում ավարտվել են Ռուսաստանի, Հայաստանի և Ադրբեջանի ղեկավարների եռակողմ բանակցությունները, դրանք տևել են շուրջ երեք ժամ: Այս մասին РИА новости-ին հայտնել է ՌԴ նախագահի մամուլի քարտուղար Դմիտրի Պեսկովը։
«Այո, եռակողմ հանդիպումն ավարտվել է», – Պեսկովի խոսքը մեջբերում է գործակալությունը:
Նա նաև հայտնել է, որ Պուտինը, Փաշինյանը և Ալիևը մամուլի համար հայտարարություն են արել, այն շուտով հասանելի կլինի լրագրողների համար:
Նշվում է, որ բանակցությունների ընթացքում կողմերը, մասնավորապես, քննարկել են ղարաբաղյան հակամարտության գոտում տիրող իրավիճակը և դրա կարգավորման ուղիները, ինչպես նաև գնահատել են այն, ինչ արվել է անցյալ տարվա ընթացքում այն կայունացնելու համար: Ռուսաստանի, Ադրբեջանի և Հայաստանի ղեկավարների բանակցությունները նվիրված են եղել Լեռնային Ղարաբաղում հրադադարի մասին հայտարարության ստորագրման տարեդարձին եւ անցկացվել են ռուսական կողմի նախաձեռնությամբ:
«Այո, եռակողմ հանդիպումն ավարտվել է», – Պեսկովի խոսքը մեջբերում է գործակալությունը: Նա նաև հայտնել է, որ Պուտինը, Փաշինյանը և Ալիևը մամուլի համար հայտարարություն են արել, այն շուտով հասանելի կլինի լրագրողների համար:
