Գործարար և քաղաքական գործիչ Տիգրան Արզաքանցյանը կնոջ՝ Նատալյա Ռոտենբերգի հետ միասին հայտնել են «Ուժը Հայրենյաց» կուսակցության հիմնադրման մասին:
Իր Telegram-ալիքում Արզաքանցյանը տեսանյութ է տեղադրել, որում Ռոտենբերգի հետ պատմում է իր որոշման մասին։ Արզաքանցյանը նշել է, որ կուսակցությունը մոտիվացիա և ուժ կտա հայ ժողովրդին։
«Բոլոր նրանք, ովքեր հավատում են մեզ, կարող են միանալ մեր ուժեղ թիմին։ Մեզ միանալու համար անհրաժեշտ է գրանցվել կայքում և լծվել գործի։ Ձեզանից յուրաքանչյուրի ներկայությունը մեր շարքերում կարևոր է։ Միայն միասին կարող ենք կառուցել ուժեղ Հայաստան»,- ասել է նա։
«Բոլոր նրանք, ովքեր հավատում են մեզ, աջակցում են մեզ, ովքեր իսկապես ցանկանում են մեզ հետ գնալ դեպի պայծառ ապագա, միացեք մեզ»,- իր հերթին նշել է Ռոտենբերգը։
Տեսանյութի վերջում Արզաքանցյանը նշել է, որ կնոջ հետ մեկնում է Գյումրի՝ բնակիչների հետ հանդիպում անցկացնելու համար:
