Ընդդիմությունը վաղն առավոտից կշարունակի բողոքի ակցիաները, հանրահավաքի ժամանակ ասաց շարժման առաջնորդներից Իշխան Սաղաթելյանը:
«Վաղը առավոտից կրկին շարունակում ենք բողոքի և անհնազանդության ակցիաները», – հայտարարեց նա ՝ քաղաքացիներին կոչ անելով միանալ ակցիաներին:
Սաղաթելյանը տեղեկացրել է, որ վաղը ժամը 8:00 – ից բողոքի ակցիաներ կսկսվեն Երևանի 6 շրջաններում՝ Շենգավիթում, Արաբկիրում, Ավանում, Նոր Նորքում, Էրեբունիում, Աջափնյակում, ինչպես նաև Ֆրանսիայի հրապարակից:
«Վաղը Հայաստան կժամանի Լիտվայի նախագահը։ Այստեղ էլ գործ ունենք», – ասաց նա ։ Սաղաթելյանը տեղեկացրեց, որ մայիսի 19-ի երեկոյան նախատեսված է հերթական հանրահավաքը: