Իրանի Իսլամական հեղափոխության պահապանների կորպուսի (ԻՀՊԿ) հրամանատար Հոսեյն Սալամին հուլիսի 24-ին ժամանել է Խուզեստան նահանգ, որը գտնվում է երկրի հարավ-արեւմուտքում: Ինչպես նշում է TACC -ը, այս մասին հայտնել է Tasnim գործակալությունը:
Նշվում է, որ Սալամին ժամանել է նահանգի մայրաքաղաք Ահվազ՝ ուսումնասիրելու այն խնդիրները, որոնք տարածաշրջանում լարվածության պատճառ են դարձել:
Նա մտադիր է այցելել այն բնակավայրերը, որտեղ բողոքի ակցիաներ են տեղի ունենում։ ԻՀՊԿ-ի ղեկավարը նաև մտադիր է վերահսկել այն ծրագրի կատարումը, որը կապված է Խուզեստանում ջրի ապահովման հետ կապված խնդիրների հետ: Ծրագիրն իրականացնում է կորպուսը:
Վերջին շաբաթներին Խուզեստան նահանգում երաշտի հետևանքով խմելու ջրի պակասի պատճառով բողոքի ակցիաներ են ընթանում։ Հաղորդվում է, որ բողոքի ակցիաների 4 մարդ է զոհվել:
