ՄԱԿ-ի գլխավոր քարտուղար Անտոնիու Գուտերեշը և Ադրբեջանի արտաքին գործերի նախարար Ջեյհուն Բայրամովը քննարկել են Անդրկովկասում խաղաղարար ջանքերն ու Բաքվի և Երևանի միջև երկխոսությունը: ТАСС-ի փոխանցմամբ՝ այս մասին ասված է Գուտերիշի գրասենյակի տարածած հաղորդագրության մեջ։
«Գլխավոր քարտուղարն ընդգծել Է ՄԱԿ-ի աջակցությունը Հայաստանի և Ադրբեջանի միջև երկկողմ երկխոսությանը և խաղաղարար ջանքերին, ինչպես նաև կրկին նշել է ՄԱԿ-ի պատրաստակամությունը հետագա օգնություն ապահովելու համար, այդ թվում՝ հակամարտությունից տուժած մարդկանց համար»,- ասված է հաղորդագրության մեջ:
Ավելի վաղ գրասենյակում հայտնել էին Հայաստանի արտգործնախարար Արարատ Միրզոյանի հետ Գուտերեշի հանդիպման մասին:
