Ադրբեջանի նախագահ Իլհամ Ալիևը բացառել է Արցախում բնակվող հայերին որևէ ինքնավարություն տրամադրելու հնարավորությունը:
«Ինչ վերաբերում է ինքնավարության մասին խոսելուն, ապա ԵԱՀԿ Մինսկի խմբի համանախագահները շատ լավ գիտեն Ադրբեջանի դիրքորոշումը։ Մենք ժամանակին առաջարկել ենք հայերին ինքնակառավարման որոշակի աստիճան տրամադրել, բայց նրանք մշտապես մերժել են այդ տարբերակը։ Նրանք խոսում էին միայն անկախության մասին։ Իսկ հիմա, երբ հակամարտությունը մնում է անցյալում, նրանք բարձրացնում են ինքնավարության հարցը։ Բայց մեր օրակարգում չկա նրանց որևէ ինքնավարություն տրամադրելու հարցը», – ասել է Ալիևը ֆրանսիական France 24 հեռուստաալիքին տված հարցազրույցում։
«Մենք չենք ուզում նոր պատերազմ սկսել, մեզ դա պետք չէ։ Բայց ես կարծում եմ, որ հիմա ժամանակն է զգուշացնել հայերին այն մասին, որ պետք չէ ռևանշի մասին մտածել, այլ պետք է մտածել ապագայի մասին», – նշել է նա։
