Թուրքիայի արտարժույթի շուկայում շարունակում է պահպանվել անկայունությունը։ Վերջին 1 տարում դոլարի, եվրոյի և ֆունտ սթեռլինգի նկատմամբ անընդհատ անկումներ գրանցող թուրքական ազգային արժույթը՝ թուրքական լիրան, հոկտեմբերի 12-ի առավոտյան դոլարի նկատմամբ արժեզրկման պատմական ռեկորդ է գրանցել, հաղորդում է Ermenihaber-ը:
Արժեզրկման վերջին ամենաբարձր ցուցանիշը գրանցվել էր հոկտեմբերի 1-ին, 1 դոլարի դիմաց՝ 9.0185 թուրքական լիրա փոխարժեք, իսկ այս պահին արտարժույթի շուկայում գործարքները կատարվում են 1 դոլար/ 9.0398 լիրա փոխարժեքով:
Եվրո-լիրա փոխարժեքն էլ հետևյալ պատկերն ունի՝ 1 եվրո / 10.43 լիրա, իսկ ֆունտ սթեռլինգ-լիրա փոխարժեքը հետևյալն է՝ 1 ֆունտ սթեռլինգ / 12.27 լիրա։
Նշվում է, որ դոլարի նկատմամբ լիրայի արժեզրկումը կապված է Թուրքիայի կենտրոնական բանկի նախագահի՝ Թուրքիայի մեջլիսում բյուջեի ծրագրի ներկայացման հետ։