Ադրբեջանի ԱԳՆ – ն արձագանքել է Ֆրանսիայի ԱԳ նախարար Ժան-Իվ Լը Դրիանի՝ Իլհամ Ալիևի արտահայտությունների վերաբերյալ հայտարարությանը։
«Ափսոսանքով ցանկանում ենք նշել, որ Ֆրանսիայի արտաքին գործերի նախարար Ժան-Իվ Լը Դրիանը այս տարվա հունվարի 18 – ին դիվանագետին ոչ հարիր ձևով հայտարարություն է արել Ազգային ժողովում»,-մեջբերում են երկրի ԱԳՆ մամուլի ծառայության ղեկավար Լեյլա Աբդուլլաևաին ադրբեջանական ԶԼՄ-ները:
Նրա խոսքով՝ Լը Դրիանի կողմից այլ երկրի ղեկավարի հայտարարության մեկնաբանումը «անպատասխանատու և անընդունելի ձևով հակասում է դիվանագիտական ավանդույթներին»: Աբդուլաևան հայտարարել է, որ Ֆրանսիայի ԱԳ նախարարի խոսքերը չեն ծառայում ադրբեջանա-ֆրանսիական հարաբերությունների կարգավորմանը։
Ավելի վաղ Ֆրանսիայի ԱԳՆ ղեկավարն անընդունելի էր համարել Ադրբեջանի նախագահի արտահայտությունները Ֆրանսիայի նախագահի թեկնածու Վալերի Պեկրեսի հասցեին, որը հնչեցվել էր Արցախ` վերջինիս այցի կապակցությամբ: Լը Դրիանը հայտարարել է, որ նախագահ Ալիևի արտահայտություններն «անընդունելի են՝ ըստ ձևի և բովանդակության»: Նրա խոսքով ՝ այդ մասին ինքը հայտնել է Ֆրանսիայում Ադրբեջանի դեսպանին։