ԵՄ-ն աջակցում է Հայաստանի և Ադրբեջանի՝ Վրաստանում արտաքին քաղաքական գերատեսչությունների ղեկավարների հանդիպում անցկացնելու փոխադարձ որոշմանը: Այս մասին Twitter-յան իր միկրոբլոգում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը:
Կլաարը նաև գրել է, որ հիանալի հանդիպում է անցկացրել Ադրբեջանի նախագահ Իլհամ Ալիևի հետ:
Ավելի վաղ Armenia Today-ը տեղեկացրել է, որ Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը կարճատև այցով ժամանել է Ադրբեջան, որտեղ նախագահ Ալիևի հետ քննարկել է Հայաստանի և Ադրբեջանի միջև հարաբերությունների կարգավորումը, խաղաղ պայմանագրի ստորագրումը, հաղորդակցությունների բացումը և մի շարք այլ հարցեր: