Իրանը չի հանդուրժի Հայաստանի հետ սահմանների փակումը, հայտարարել է Իրանի գերագույն առաջնորդ Ալի Խամենեին ՌԴ նախագահ Վլադիմիր Պուտինի հետ հանդիպման ժամանակ:
Ինչպես հաղորդում է IRNA – ն, Խամենեին ընդգծել է, որ Թեհրանը «երբեք չի հանդուրժի քաղաքականություն և ծրագրեր, որոնք կհանգեցնեն Հայաստանի հետ Իրանի սահմանների արգելափակմանը»:
Նա նաև հայտարարել է, որ Իրանը դեմ է Սիրիայում ռազմական գործողություններին։ «Սիրիայում մեկ այլ կարևոր խնդիր է Միացյալ Նահանգների կողմից Եփրատից արևելք գտնվող բերրի և նավթով հարուստ շրջանների օկուպացիան, որը պետք է վերացվի ԱՄՆ – ի արտաքսման ճանապարհով», – մեջբերում է Խամենեին գործակալությունը:
Նրա խոսքով՝ Իրանն ու Ռուսաստանը փոխադարձաբար պետք են միմյանց։ Խամենեին նշել է, որ երկու երկրների միջև գազի և նավթի ոլորտներում գոյություն ունեն բազմաթիվ համաձայնագրեր, որոնք պետք է իրականացնել:
Հիշեցնենք, որ ավելի վաղ Ալի Խամենեին Թուրքիայի նախագահ Ռեջեփ Թայիփ Էրդողանի հետ հանդիպման ժամանակ իրանա-հայկական սահմանն արգելափակելու փորձերի անընդունելիության մասին էր հայտարարել:
