Կարծում եմ՝ Թուրքիան շատ բան ունի առաջարկելու Հայաստանի և Ադրբեջանի միջև համապարփակ կարգավորմանն աջակցելու համար: Այս մասին Twitter-յան իր միկրոբլոգում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը՝ անդրադառնալով Ստամբուլում TRT համաշխարհային ֆորումի շրջանակներում Թուրքիայի ԱԳ նախարար Մևլյութ Չավուշօղլուի հետ հանդիպմանը։
Հիշեցնենք, որ նույն ֆորումի ժամանակ իր ելույթում Կլաարը նշել է, որ ԵՄ-ն ակտիվորեն աշխատում է Ադրբեջանի և Հայաստանի միջև վստահության մթնոլորտ ստեղծելու ուղղությամբ, սակայն ավելի շատ ջանքեր են անհրաժեշտ։