Ադրբեջանի ԱԳՆ-ն սպառնացել է Հայաստանի ղեկավարությանը՝ ի պատասխան Հայաստանի վարչապետ Նիկոլ Փաշինյանի՝ Բաքվի ագրեսիվ պահվածքի մասին խոսքերի: Ադրբեջանի արտաքին քաղաքական գերատեսչությունում Փաշինյանի գնահատականները «անհիմն»են անվանել: Ադրբեջանի ԱԳՆ-ն իր հայտարարության մեջ Փաշինյանին խորհուրդ է տվել «դասեր քաղել պատմությունից» և Հայաստանը տանել «ճիշտ ուղղությամբ»:
Փաշինյանն ավելի վաղ՝ մարտի 23 – ին, Ադրբեջանի նախագահ Իլհամ Ալիևի խոսքերն այն մասին, որ Հայաստանը պետք է ընդունի Բաքվի պայմանները և սահմանների դելիմիտացիան անցկացնի նրա պայմաններով, հակառակ դեպքում «խաղաղության ոչ մի պայմանագիր չի լինի», անվանել էր «ագրեսիայի ակտ» և բարձր մակարդակով ձեռք բերված պայմանավորվածությունների կոպիտ խախտում:
Հայաստանի ԱԳՆ-ն, արձագանքելով Ադրբեջանի նախագահի վերջին հայտարարություններին, մարտի 18-ին հայտարարել է, որ Բաքուն նախապատրաստում է Լեռնային Ղարաբաղի հայերի ցեղասպանությանը և Հայաստանի դեմ նոր ագրեսիային: Գերատեսչությունում ընդգծել են, որ Բաքուն ամեն ինչ անում է տարածաշրջանում խաղաղությանը խանգարելու համար: «44-օրյա պատերազմի հետևանքով Թալիշում և հայ բնակչությունից զրկված այլ շրջաններում Ադրբեջանը բացահայտորեն իրականացնում է վերաբնակեցման ծրագրեր՝ փորձելով ոչնչացնել Հայերի հետքերը Լեռնային Ղարաբաղի՝ իր վերահսկողության տակ անցած տարածքներում», – ասվում է հայկական գերատեսչության հայտարարության մեջ:
