Ադրբեջանի ՊՆ-ն հայտնել է Հայաստանի հետ սահմանին իր երկրորդ զինծառայողի մահվան մասին

Ադրբեջանի պաշտպանության նախարարությունը հայտնել է վերջին երկու օրերին Հայաստանի հետ սահմանին տեղի ունեցած մարտերի ընթացքում երկրորդ զինծառայողի մահվան մասին։ Ըստ նախարարության՝ մայիսի 12-ի երեկոյան մահացել է ադրբեջանցի զինծառայող Մուհամմեդ Գարաևը։

Ավելի վաղ ադրբեջանական կողմը հայտնել էր փոխհրաձգության հետևանքով իր զինծառայողներից մեկի զոհվելու և մյուսի վիրավորվելու մասին։

Հայաստանի և Ադրբեջանի սահմանին լարվածության նոր փուլը սկսվել է մայիսի 11-ին, երբ, ըստ ՀՀ պաշտպանության նախարարության հաղորդագրության, ադրբեջանական զինուժը սկսել է գնդակոծել Գեղարքունիքի մարզի Սոթք գյուղի մերձակայքում գտնվող հայկական դիրքերը՝ հրետանուց և ականանետերից։ Առավոտյան ժամը 6։00֊ին Հայաստանի պաշտպանության նախարարությունը հայտնել է, որ ժամը 10:25-ի դրությամբ Սոթքի մոտ վիրավորված հայ զինծառայողների թիվը հասել է չորսի, նրանց կյանքին վտանգ չի սպառնում։

Մայիսի 12-ին՝ ժամը 10:00-ին, Սոթքի վրա ադրբեջանական անօդաչու թռչող սարքերի հարձակման հետևանքով ևս երկու հայ զինվոր է վիրավորվել։ Մայիսի 12-ի երեկոյան Հայաստանի պաշտպանության գերատեսչությունը հայտնել է ադրբեջանական զինուժի գնդակոծության ժամանակ ևս երկու վիրավորի մասին։ Ադրբեջանական կողմը հայտնել է փոխհրաձգության հետևանքով երկու զինվորի մահվան և մեկ զինվորի վիրավորվելու մասին։