Տևական ժամանակ է՝ Արցախի մի շարք բնակավայրերում բացակայում են բջջային կապն ու ինտերնետը։ Այս մասին ԱԺ-ում լրագրողների հետ ճեպազրույցում Armenia Today-ի հարցին ի պատասխան ասաց Արցախի Հանրապետության Մարդու իրավունքների պաշտպան Գեղամ Ստեփանյանը։
«Մեկ ամիս է՝ այդ խնդիրն առկա է։ Բջջային կապն ու ինտերնետն աշխատում են խափանումներով՝ թե՛ «Ղարաբաղ Տելեկոմ»-ից, թե՛ Տարածքային կառավարման և ենթակառուցվածքների նախարարությունից ստացված պարզաբանումները վկայում են այն մասին, որ ադրբեջանական կողմը հատուկ տեխնիկայի միջոցով խլացնում է Արցախի տարածքում բջջային կապի և համացանցի սփռումը։ Խնդրի վերաբերյալ տեղեկացվել է ռուսական խաղաղապահ զորքերին։ Երևանի, նրանց միջամտությամբ հնարավոր կլինի հաղթահարել այս խնդիրը»,- պարզաբանեց նա։
Անդրադառնալով Armenia Today-ի այն հարցին, թե Արցախում ահազանգում են հնարավոր պարենային խնդրի մասին՝ Գեղամ Ստեփանյանը պատասխանեց․ «Ստեփանակերտում և այլ համայնքներում հացի խնդիր արձանագրված չէ։ Ձեռնարկվելու են բոլոր անհրաժեշտ քայլերը նման խնդիրները բացառելու համար։ Հայաստանի հետ կապ ունենք, և խնդիր չունենք»,- ասաց Արցախի ՄԻՊ-ը՝ հավելելով, որ Ադրբեջանի տիրապետություն տակ են անցել գյուղատնտեսական նշանակության կողմերի 60 տոկոսը։
Մանրամասները՝ տեսանյութում։