48 օտարերկրյա գիտնականներ, այդ թվում՝ Հայաստանից, դարձան Ռուսաստանի գիտությունների ակադեմիայի (ՌԳԱ) նոր օտարերկրյա անդամներ։ Հինգշաբթի օրը հրապարակվել են ակադեմիայի ընտրությունների քվեարկության արդյունքները, փոխանցում է TACC-ը։
48 գիտնականները ԱՄՆ-ից, Չինաստանից, Բելառուսից, Տաջիկստանից, Ուզբեկստանից, Լեհաստանից, Իտալիայից, Իսպանիայից, Հայաստանից, Սինգապուրից, Մոնղոլիայից, Ավստրալիայից, Հնդկաստանից, Ադրբեջանից, Աբխազիայից, Գերմանիայից, Սերբիայից, Մեծ Բրիտանիայից, Ղրղզստանից, Ավստրիայից, Ֆրանսիայից, Ղազախստանից, Շվեյցարիայից և Կանադայից են:
Ուղղություններն են ֆիզիկան և աստղագիտությունը, միկրո և նանոտեխնոլոգիաները, նանոախտորոշումը, տեղեկատվական տեխնոլոգիաները, նյութագիտությունը, ֆիզիկական քիմիան, կենսաօրգանական քիմիան, քիմիական ֆիզիկան, գենետիկան, կենսաքիմիան, երկրագիտությունը, գենետիկան, փիլիսոփայությունը, իրավունքը և այլ ոլորտներ:
Հունիսի 1-ին տեղի են ունեցել Ռուսաստանի գիտությունների ակադեմիայի անդամների ընտրություններ։ Բացվել են Ռուսաստանի գիտությունների ակադեմիայի ակադեմիկոսների ավելի քան 90 թափուր և ՌԴ ԳԱ թղթակից անդամների ավելի քան 200 թափուր աշխատատեղեր։