Հուլիսի 2-4-ը Գյումրիում կանցկացվի Tech Week Gyumri 2022 միջոցառումների շարքը, որը մեկ վայրում կկենտրոնացնի համայնքային զարգացման խթանման ուղղությամբ ՏՀՏ ընկերությունների ջանքերը։ Այս մասին գրում է itel.am – ը։
Տեխնոլոգիական շաբաթվա ընթացքում իրար կհաջորդեն մասնագիտական կոնֆերանսներ, ggRace, որի ողջ հասույթը կուղղվի համայնքային զարգացմանը նպաստող նախագծերի, Koriz գաղափարների մրցույթ, որի հաղթողները կստանան դրամաշնորհներ, Armenia Software Testing Cup եւ այլ միջոցառումներ:
Ակնկալվում է 4000-ից ավելի մասնակից, միջոցառման գործընկերներն են ՏՏ ոլորտի 50-ից ավելի ընկերություն, 30-ից ավելի աջակից։ Ելույթներով հանդես կգա ոլորտի շուրջ 50 ներկայացուցիչ:
Tech Week-ը կանցկացվի միաժամանակ 4 վայրում՝
• Գյումրու դրամատիկական թատրոն,
• ՀՊՏՀ Գյումրու մասնաճյուղ,
• Գյումրու Տեխնոլոգիական կենտրոն,
• Թումո Գյումրի։
Մասնակցությունն անվճար է։ Միջոցառմանը մասնակցելու համար անհրաժեշտ է նախապես գրանցվել այստեղ։
Նախորդ տարի այս ձեւաչափով կազմակերպված առաջին միջոցառումը կայացել է Ստեփանակերտում, որի ընթացքում տեղի է ունեցել 5 պանելային քննարկում, զուգահեռ ընթացող 6 միջոցառում եւ երեկոյան խարույկազրույցներ, եռօրյա հաքաթոն` ուղղված Արցախում համայնքների կառավարման միասնական հարթակի ստեղծմանը, Կորիզ գաղափարների մրցույթ, ինչպես նաեւ բացվել է «Արմաթ» ինժեներական լաբորատորիա Կարմիր շուկայում եւ ստորագրվել «Հայքն Աշխարհին» ծրագրի մեկնարկի մասին եռակողմ փոխգործակցության հուշագիր:
