Apple ընկերությունը ծրագրել է նոր խելացի սարք թողարկել։ Այս մասին հայտնել է հեղինակավոր ինսայդեր Մին-Չի Կոն Medium-ի իր բլոգում, հայտնում է Лента-ն։
Վերլուծաբանի տեղեկություններով՝ ամերիկյան ՏՏ հսկան մտադիր է նոր սերնդի HomePod խելացի նվագարկիչ ստեղծել։ Նա հայտարարել է, որ Apple-ը սմարթ սարք կպատրաստի, որն ունի աուդիո համակարգ և 7-դյույմանոց դիսփլեյ։ Մասնագետի խոսքով՝ HomePod բարձրախոսն էլ ավելի է ինտեգրվելու Apple-ի էկոհամակարգին և աջակցելու է HomePod նոր սարքերին: Գաջեթի անոնսը պետք է կայանա 2024 թվականի երկրորդ կեսին։
Մին Չի Կոն նաև պարզել է, որ Tianma ընկերությունը Apple-ի համար սմարթ բարձրախոսների միակ արտադրողն է լինելու։
Այս պահին Apple — ի խելացի բարձրախոսների շարքում կա երկու ապրանք՝ HomePod և HomePod Mini խելացի բարձրախոսներ: HomePod-ի առաջին սերունդը հայտարարվել է 2017-ի հունիսին:
