Այս ամառ ռուսների համար ամառային ուղևորությունների ամենահայտնի վայրը Երևանն էր՝ Մոսկվայից թռիչքով: Այս մասին են վկայում Tutu.ru ծառայության տրամադրած վերլուծական տվյալները, որոնք մեջբերում է РИА Новости-ն:
Աղբյուրը նշում է, որ տոմսերի 9 տոկոսը ձևակերպվել է դեպի Հայաստանի մայրաքաղաք: Առաջատար եռյակը ներառում է նաև թռիչքներ մայրաքաղաքից դեպի Քիշնև և Բիշքեկ: Մի փոքր ավելի քիչ հանրաճանաչ, բայց վարկանիշում ներառված են թռիչքները Մոսկվայից Բաքու, Սամարղանդ, Անթալիա, Ստամբուլ, Օշ, Մինսկ, Բուրգաս և Տաշքենդ:
Հիշեցնենք, որ մեկ օր առաջ Հայաստանի էկոնոմիկայի նախարար Վահան Քերոբյանը նշել էր, որ տարեսկզբից մինչև օգոստոսի վերջ Հայաստան է ժամանել մոտ 488 հազար զբոսաշրջիկ, միայն օգոստոսին` 143 հազար զբոսաշրջիկ: Ըստ նրա՝ թվերը վկայում են նախորդ տարվա նույն ժամանակահատվածի համեմատ 30 տոկոս աճի մասին: Քերոբյանը հայտարարել էր, որ մինչև տարեվերջ ակնկալվում է, որ մինչև1,2 մլն զբոսաշրջիկ կժամանի Հայաստան: