Մանե Գևորգյանն ազատվել է վարչապետի մամուլի քարտուղարի պաշտոնից։ Այս մասին նա գրել է իր Facebook-յան էջում։
«Սիրելի ընկերներ, դիմումիս համաձայն ազատվել եմ վարչապետի մամուլի քարտուղարի պաշտոնից։ Շնորհակալ եմ վարչապետին, կառավարության աշխատակազմին համատեղ աշխատանքի համար։ Վարչապետի մամուլի քարտուղարի պարտականությունները կատարելու ընթացքը լի էր Հայաստանին բաժին հասած դժվարություններով, չնայած ամենին՝ փորձել եմ հավատարիմ մնալ այն արժեքներին, որոնք դրվել էին 2018-ի հեղափոխության հիմքում։ Ներողություն եմ հայցում բոլոր նրանցից, որոնց հույսերը չեմ արդարացրել այս պաշտոնում։ Շնորհակալ եմ նաեւ լրագրողներին՝ արդյունավետ համագործակցության համար»,- մասնավորապես գրել է Գևորգյանը։
Հավելենք, որ Նիկոլ Փաշինյանն արդեն ստորագրել է Մանե Գևորգյանին վարչապետի մամուլի քարտուղարից ազատելու վերաբերյալ որոշումը։