Մարդու իրավունքների պաշտպան Քրիստիննե Գրիգորյանը կառավարության նիստից հետո լրագրողների հետ ճեպազրույցում ներկայացրեց, թե ՄԻՊ արագ արձագանքման խմբերն ինչ են արձանագրել ոստիկանության բաժանմունքներում, որտեղ բերման են ենթարկվել անհնազանդության բողոքի ակցիայի մասնակիցները։
Պատասխանելով Armenia Today-ի հարցին՝ նա նշեց, որ ՄԻՊ արագ արձագանքման խմբերը մայիսի 2-ից սկսած այցելում են ոստիկանության բաժիններ։
«Մեր արագ արձագանքման խմբերն արձանագրել են խախտումներ, որոնք վերաբերվել են ոստիկանների կողմից բերման ենթարկելիս ուժի կիրառման, կամ հենց ոստիկանական բաժիններում։ Սևանի ոստիկանական բաժիններում են եղել և վեր ենք հանել թե՛ անհամաչափ ուժի, թե՛ երեքժամյա պահման ժամկետի խախտման դեպքեր, ինչպես նաև անձին բերման ենթարկելիս իրավական հիմք չներկայացները»,- ներկայացրեց ՄԻՊ-ը՝ հավելելով, որ ոստիկանը հարվածել էր ակտիվիստին, վերջինիս գլխի շրջանում վիրավորում կար։
