Հայաստանն արտերկիր մեկնող ռուս զբոսաշրջիկների համար ամենահայտնի ավիացիոն ուղղություններից է։ Այս մասին հայտնում է «РИА Новости»-ն՝ հղում անելով Tutu.ru առցանց ծառայությանը։
Առցանց ծառայության մասնագետները վերլուծել են օգտատերերի ամրագրումների տվյալները և պարզել, որ առավել մեծ հետաքրքրություն են ներկայացնում Մոսկվայից Երևան թռիչքները։
Արտասահման մեկնողների մոտ հինգ տոկոսը մեկնում է Հայաստանի մայրաքաղաք։ Նաև ճանապարհորդող ռուսների համար առաջնահերթ ուղղություններից են Ստամբուլը, Բաքուն, Տաշքենդը և Օշը, որոնք կազմում են հարցումների երեք տոկոսից մի փոքր ավելին:
Այս հինգ ուղղությունները միասին կազմում են որոնման հարցումների մոտավորապես 17 տոկոսը:
Նաև ռուս ճանապարհորդներին հետաքրքրում է Անթալիան, Բիշքեկը, Դուշանբեը, Թել Ավիվը և Քիշնևը: