Հնարավոր է կարճատև անձրև և ամպրոպ

Մայրաքաղաքի առանձին հատվածներում այսօր և հունիսի 17-ի երեկոյան ժամերին հնարավոր է կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում՝ 18-20մ/վ արագությամբ: Այս մասին հայտնում են Հիդրոօդերևութաբանության և մոնիթորինգի բաժնից։
Հունիսի 18-21-ը սպասվում է առանց տեղումների եղանակ:

Մարզերում այսօր կեսօրից հետո, հունիսի 17-19-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ: Առանձին հատվածներում սպասվում է նաև կարկուտ: Հունիսի 20-ին և 21-ին սպասվում է առանց տեղումների եղանակ: Քամին՝ հարավարևմտյան 2-5մ/վ, ամպրոպի ժամանակ սպասվում է քամու ուժգնացում՝ 17-21մ/վ արագությամբ:
Օդի ջերմաստիճանը հունիսի 17-19-ն աստիճանաբար կբարձրանա 3-5 աստիճանով:

Արցախում այսօր և վաղը սպասվում է անձրև և ամպրոպ։