Ֆրանսիայի Լիոն քաղաքաի 27-ամյա բնակիչը, ով Դեսին քաղաքի թուրքական համայնքի անդամ է, հունիսի 21-ին դատապարտվել է քաղաքի պատերին հայերի դեմ անհարգալից գրառումներ կատարելու համար, որոնք արված են 2020 թվականի Լեռնային Ղարաբաղի պատերազմի համատեքստում։ Այս մասին հայտնում է Le Progrès ֆրանսիական հրատարակությունը։
Մուհամեդ Ի.-ն վիրավորական գրություններ է գրել Meyzieu առևտրային կենտրոնի պատերին՝ ուղղված հայ համայնքին, ինչպես նաև քաղաքի քաղաքապետ Լորանս Ֆաուտրային, նախագահ Էմանուել Մակրոնին, նրա կնոջը և ֆրանսիացի մասոններին։
Դատարանը բավարարել է դատախազության պահանջները, Մուհամեդ Ի.-ին տուգանել է երկու հազար եվրոյով, ևս հազար եվրոյով՝ վնասների փոխհատուցման և դատական ծախսերի փոխհատուցման համար։ 27-ամյա երիտասարդը ներողություն է խնդրել՝ միաժամանակ ասելով, որ իր համար անընդունելի է քաղաքապետ Լորանս Ֆոտրի դիրքորոշումը ԼՂ հիմնախնդրի վերաբերյալ։
Նշենք, որ Դեսինի բնակիչների ավելի քան 40%-ն էթնիկ հայեր են։