Քաշքշուկ գերիների ծնողների և ոստիկանների միջև

Երևանում ՌԴ դեսպանատան մոտ բողոքի ակցիա էին իրականացնում Խծաբերդում գերեվարված զինծառայողների ծնողներն ու հարազատները։ Նրանք պահանջում էին հանդիպում ՌԴ դեսպանի հետ։

Սակայն երկար ժամանակ դեսպանատան մոտ կանգնելուց հետո նրանք վրդովվեցին, որ իրենց հստակ չեն ասում՝ ընդունելու են, թե՞ ոչ։

Ոստիկանի կոչը, թե հանդարտություն պահպանեն, միանշանակ չընդունվեց, մասնակիցները փորձում էին մտնել շենք, ինչին խոչընդոտում էին իրավապահները։ Սրա հետևանքով սկսվեց քաշքշուկ ոստիկանների ու ակցիայի մասնակիցների միջև։

Նշենք, որ գերիների հարազատները բողոքի գործողություններ են արել նաև երեկ Գյումրիում ՌԴ հյուպատոսության առաջ։

Նշենք, որ ԶԼՄ-ների հարցերին պատասխանելիս ՀՀ վարչապետ Փաշինյանը երկուշաբթի գերիների պատասխանատվությունը 90 տոկոսով դրել էր ռուսական կողմի վրա։