Գլխավոր դատախազ Արթուր Դավթյանը հրաժարվեց հանդիպել զոհված զինծառայողների ծնողներին, որոնք բողոքի ակցիա էին իրականացնում գլխավոր դատախազության շենքի դիմաց և պահանջում հանդիպում։
Դրան ի պատասխան՝ զոհված զինծառայողների հարազատները մոտ օրերս հետաքրքիր անակնկալ են խոստանում նույն վայրում, միևնույն ժամանակ այսօր դադարեցնում են բոլոր գործողությունները։
Ինչպես լրագրողների հետ ճեպազրույցում ասաց 44-օրյա պատերազմում զոհված զինծառայող Արման Ազատյանի հայրը՝ Վիգեն Ազատյանը, հանդիպման առաջարկը մերժվել է այն պատճառով, որ դատախազությունը որևէ նորություն չունի և անիմաստ է համարում հանդիպումը։
Հիշեցնենք, որ ապրիլի 27-ին Գլխավոր դատախազությունը միջնորդություն էր ստացել վարչապետ Նիկոլ Փաշինյանին 44-օրյա պատերազմի հետևանքների վերաբերյալ Հակակոռուպցիոն հանձնաժողովի կողմից քննվող քրեական գործով հարուցելու վերաբերյալ։ Փաշինյանին քրեական պատասխանատվության ենթարկելու միջնորդությունը հանձնվեց այն բանից հետո, երբ նա ապրիլի 13-ին խորհրդարանի ամբիոնից հայտարարեց, որ պատերազմից կարելի էր խուսափել, բայց այսօր իրավիճակը նույնն էր լինելու, թեև առանց զոհերի։
