Ucom-ը հայտարարել է կապի խափանումների վերացման մասին

Կապի ծառայություններ մատուցող Ucom ընկերությունը հայտնել է տեխնիկական խնդրի լուծման մասին։

«Մեր ֆիքսված կապի, մասամբ նաև շարժական կապի ծառայություններից օգտվող բաժանորդների մոտ առկա էր տեխնիկական խնդիր, որն արդեն կարգավորվել է»,- ասվում է հաղորդագրության մեջ:

Ընկերությունը հայցել է բաժանորդների ներողամտությունը պատճառած անհարմարության համար և վստահեցրել, որ աշխատակիցներն ամեն բան արել են՝ խնդիրը հնարավորինս արագ կարգավորելու համար։