Սոչիում ընթացող շախմատի Աշխարհի գավաթի խաղարկությունում այսօր ընթանում են 3-րդ փուլի առաջին հանդիպումները:
Տղամարդկանց մրցաշարում Հայաստանը ներկայացնող միակ շախմատիստ Հայկ Մարտիրոսյանը սպիտակներով մրցեց Շախրիյար Մամեդյարովի հետ:
Սկզբնախաղում ավելի ակտիվ էր սևերով հանդես եկող ադրբեջանցի գրոսմայստերը, սակայն մեր շախմատիստը վստահ պաշտպանվեց, այնուհետև գեղեցիկ հակագրոհ ձեռնարկեց: Արդյունքում, արդեն 29-րդ քայլին սևերը ստիպված հանձնվեցին:
Այդպիսով, Հայկ Մարտիրոսյանը առաջ անցավ հաշվի մեջ` 1:0: Վաղը կկայանա դասական շախմատի պատասխան հանդիպումը: Մեր շախմատիստը ոչ-ոքի խաղալու դեպքում կմտնի 4-րդ փուլ: