Կազանում նախատեսված Անկախ պետությունների hամագործակցության (ԱՊՀ) երկրների առաջին խաղերին Հայաստանից կմեկնի 56 մարզիկ 11 մարզաձևում մեդալների համար պայքարելու:
Ինչպես տեղեկացնում է «Արմենպրես»-ը, Կազան մեկնող մարզիկներին և մարզիչներին ընդունեց ՀՀկրթության, գիտության, մշակույթիևսպորտինախարար Վահրամ Դումանյանը:
«Ես ձեզ բոլորիդ մաղթում եմ հաղթանակներ, հաջողություններ: Ցանկանում եմ, որպեսզի կարողանաք դրական էմոցիաներ հաղորդել մեր ժողովրդին, ինչի կարիքը մենք այսօր շատ ու շատ ունենք: Սպորտային դրական լիցքը մեզ նաև ուժ է հաղորդում ու նորանոր հաղթանակներ»,- «Արմենպրես»-ի հաղորդմամբ` ասաց Դումանյանը:
ԿԳՄՍ նախարարի տեղակալ Կարեն Գիլոյանը նշեց, որ Հայաստանն այդ խաղերին ներկայացված կլինի բավական պատկառելի պատվիրակությամբ:
«Կան մարզաձևեր, որտեղ մենք մեդալային ակնկալիքներ չունենք, բայց փոխարենը կան մարզաձեր, որտեղ մենք պարտավոր ենք անպայման նվաճել մեդալներ: Սպորտային առումով մեզ համար շատ կարևոր է արդյունքը, և հաստատ առանց մեդալների չենք վերադառնալու»,- եզրափակեց Գիլոյանը:
Կազանում նախատեսված Անկախ պետությունների hամագործակցության (ԱՊՀ) երկրների առաջին խաղերի անցկացման նախնական ժամկետ է նշանակվել սեպտեմբերի 4 -11-ը: Սպասվում է 11 երկրի 14-23 տարեկան ավելի քան 2,5 հազար մարզիկների մասնակցություն։ 21 մարզաձևերում կվիճարկվի մեդալների 280 հավաքածու: Մրցումները կանցկացվեն 15 մարզահամալիրներում:
Խաղերի անցկացման գաղափարը Ռուսաստանի Դաշնությանն է։ Առաջարկն արվել է դեռ 2018թ․ սեպտեմբերի 28 -ին, Դուշանբեում տեղի ունեցած ԱՊՀ երկրների ղեկավարների նիստում: