Հայաստանի դահուկասպորտի հավաքականի անդամ, Օլիմպիական խաղերի մասնակից Միքայել Միքայելյանին ընդամենը 17 վայրկյան չի բավականացրել ԱՄՆ Լեյք Փլեսիդ քաղաքում ընթացող Ուսանողական խաղերի բրոնզե մեդալակիր դառնալու համար։ Այս մասին հայտնում է Հայաստանի ուսանողական մարզական ֆեդերացիան։
Համաշխարհային ուսանողական խաղերի դահուկավազքի 10 կմ ազատ ոճի մրցատարածությունում Միքայելյանը 26 պետությունների 82 մասնակիցների հետ համառ պայքարում գրավել է 4-րդ տեղը՝ իրենից առաջ թողնելով Ճապոնիայի և Նորվեգիայի երկու ներկայացուցիչներին, որոնցից 2-րդ տեղն զբաղեցրած Բոե Մագնուսը 2016թ. երիտասարդական Օլիմպիական խաղերի չեմպիոնն է:
Նշվում է, որ մրցատարածության զգալի մասը Միքայելն անցել է առաջատարի դիրքում: Միքայելյանն այսօր հանդես կգա նաև 10 կմ հետապնդումով դասական ոճի մրցումներում, որտեղ հավակնում է մեդալի։