Հենրիխ Մխիթարյանն «Ինտերի» կազմում դարձել է Իտալիայի սուպերգավաթակիր։ Սաուդյան Արաբիայում կայացած միլանյան դերբիում «Ինտերը» 3:0 հաշվով հաղթել է «Միլանին»։ Այս մասին հայտնում է ՀՖՖ լրատվության բաժինը։
Հանդիպման հաշիվը բացվել է 10-րդ րոպեին, աչքի է ընկել Ֆեդերիկո Դիմարկոն: 21-րդ րոպեին Էդին Ջեկոն կրկնապատկել է իր թիմի առավելությունը: 77-րդ րոպեին Լաուտարո Մարտինեսը դարձել է 3-րդ գոլի հեղինակ։
Հավելենք, որ Հայաստանի հավաքականի նախկին կիսապաշտպան Հենրիխ Մխիթարյանը մեկնարկային կազմում էր և մասնակցել է ամբողջ հանդիպմանը:
