Ց մրցաշարերի 22-ակի չեմպիոն, աշխարհի երրորդ ռակետ Նովակ Ջոկովիչը դուրս է եկել Փարիզի Roland Garros մրցաշարի քառորդ եզրափակիչ՝ հաղթելով Պերուն ներկայացնող Խուան-Պաբլո Վարիլյասին, հայտնում է Сhampionat.com-ը։
Ֆրանսիայում ընթացող «Մեծ սաղավարտ» մրցաշարի հաջորդ փուլում Նովակ Ջոկովիչը կմրցի հայազգի ռուսաստաբնակ թենիսիստ Կարեն Խաչանովի հետ:
Նույն մրցաշարում հայազգի թենիսիստուհի Էլինա Ավանեսյանը 1/8 եզրափակչի մրցաշարում պարտվել է աշխարհի 43-րդ ռակետ, չեխ Կարոլինա Մուխովային: Հանդիպումն ավարտվել է 4:6, 3:6 հաշվով:
Հունիսի 4-ին Կարեն Խաչանովը դուրս է եկել Փարիզի Roland Garros մրցաշարի 1/4 եզրափակիչ։
Roland Garros-ը մտնում է «Մեծ սաղավարտ» մրցաշարերի շարքի մեջ: Մրցաշարի ընդհանուր մրցանակային ֆոնդը 2023 թվականին կազմել է 49,6 միլիոն եվրո։ Տղամարդկանց և կանանց մենախաղերի հաղթողները կստանան 2,3-ական միլիոն եվրո և 2000 միավոր՝ վարկանիշային աղյուսակում: Եզրափակիչի մասնակիցները կվաստակեն 1 մլն 150 հազար եվրո և 1200 միավոր վարկանիշների հաշվարկով:
