Ամերիկյան ռեալիթի-շոուի հայազգի աստղ Քիմ Քարդաշյանը «Քարդաշյանների ընտանիքը» շոուի նոր եթերաշրջանում պատմել է, թե ինչպես է դիմակայել նախկին ամուսնու՝ Քանյե Ուեսթից բաժանվելուց հետո իր անվան շուրջ ծավալված հանրային սկանդալներին։
Քիմը նախընտրել է չմեկնաբանել նման հարցերը, քանի որ այն ամենը, ինչի մասին նա խոսում է, իր խոսքով, «անխուսափելիորեն հայտնվում են համացանցում»։
«Չնայած այն ամենի լիակատար խելագարությանը, ինչ Քանյեն ասում է մեր մասին, ես երբեք ոչինչ չեմ խոսում իր մասին»,-ասել է Քիմը՝ մտահոգություն հայտնելով, որ Ուեսթի ստերը կարող են վատ անդրադառնալ իրենց երեխաների վրա։
Չնայած Քիմն իր հարցազրույցներից մեկում ասել է, որ պատրաստ է նոր հարաբերությունների, այս շոուի եթերում խոստովանել է, որ Ուեսթի հետ սկանդալային ամուսնալուծության պատճառով իրեն անվստահ է զգում:
«Երբեմն մտածում եմ՝ ո՞վ կցանկանա հանդիպել ինձ հետ։ Ես չորս երեխա ունեմ, 40-ն անց եմ․․․ Ո՞վ կզբաղվի այս բոլոր դրամաներով, որոնք պտտվում են իմ շուրջ։ Բայց ես հույս ունեմ, որ կհանդիպեմ ճիշտ մարդու, ես պարզապես սպասում եմ նրան»,-ասել է Քիմը։
