Արտասահմանյան ավիաընկերությունները չեն կարողանա թռչել Իսրայել և թռիչքներ իրականացնել այդ երկրից հունվարի 26-31-ը, հայտնել Է Haaretz թերթը:
Կառավարությունը նման որոշում է կայացրել կորոնավիրուսի տարածման դեմ պայքարելու համար։
«Ոչ մի ժողովուրդ չի արել այն, ինչ պատրաստվում ենք անել մենք ՝ «հերմետիկ փակում» ենք երկիրը»,-կառավարության նիստում հայտարարել է վարչապետ Բենյամին Նեթանյահուն։
Դրա հետ մեկտեղ, արտասահմանյան բեռնատար և հրշեջ ինքնաթիռների, ինչպես նաև օդային շտապօգնության չվերթները կթույլատրվեն: Կառավարությունում զգուշացրել են, որ ավելի ուշ կհայտարարեն սահմանափակումների մասին նաև իսրայելական ավիափոխադրողների համար։
Ավելի վաղ Իսրայելում հայտնաբերել են կորոնավիրուսային վարակի նոր մուտացիա, որը կարող է հատուկ վտանգ ներկայացնել:
