Ռուսաստանում արձագանքել են թուրքական պետական TRT1-ի հեռուստաալիքի ցուցադրած քարտեզին, որը Անկարայի ազդեցության գոտու ընդլայնման կանխատեսումն է ենթադրում: Այս մասին հայտնում է «РИА Новости»-ին:
Ըստ քարտեզի` մինչև 2050 թվականը Թուրքիան էապես ընդլայնելու է իր ազդեցության գոտիները միանգամից մի քանի ուղղություններով, որոնց թվում ԽՍՀՄ-ի մի շարք պետություններ, ինչպես նաև Ռուսաստանի հարավային մի քանի շրջաններ են:
Անդրադառնալով քարտեզին, ՌԴ Պետդումայի պաշտպանության հարցերով հանձնաժողովի նախագահի առաջին տեղակալ Անդրեյ Կրասովը նշել է, որ թուրքական ղեկավարությունը Օսմանյան կայսրության վերստեղծման մտքեր ունի:
«Ինչ վերաբերում է Ղրիմին և Սևաստոպոլին, այդ հարցում վերջակետ է դրված, այդ մասին ասել է նախագահը: Դրանք Ռուսաստանի Դաշնության երկու սուբյեկտներն են», -ասել է պաշտոնյան:
Բացի այդ, Կրասովը թուրք պաշտոնյաներին կոչ է արել ուշադիր ուսումնասիրել Ռուսաստանի պատմությունը:
«Եթե նրանք ցանկանում են իրենց վրա ստուգել ռուսական ոգու և մեր զենքի ուժը, թող փորձեն»,-եզրափակել է Կրասովը:
