Մոսկվայի հյուսիս-արևելքում զանգվածային ծեծկռտուք է տեղի ունեցել շինարար միգրանտների մասնակցությամբ: Ինչպես հաղորդում է REN TV-ն, ծեծկռտուքին մասնակցել է մոտ 20 մարդ:
Կոնֆլիկտը տեղի է ունեցել ուրբաթ գիշերը Մարեսևի փողոցի շինհրապարակում՝ մետրոյի «Նեկրասովկա» կայարանի մոտ:
Իրավապահ մարմինների աշխատակիցները բերման են ենթարկել Ուզբեկստանի յոթ քաղաքացու և Հայաստանի երկու քաղաքացու՝ մինչև հանգամանքների պարզաբանումը:
Ոստիկանությունը ստուգում է կազմակերպել: Ծեծկռտուքի հանգամանքներն ու պատճառները պարզվում են: Տուժածների մասին տվյալներ չկան: Ավելի վաղ միգրանտները ծեծկռտուք էին կազմակերպել Մոսկվայի հյուսիս-արևմուտքում:
