Վրաստանի կառավարությանն առընթեր կորոնավիրուսի դեմ պայքարի համակարգող խորհուրդը երեքշաբթի որոշում ընդունեց երկարաձգել քաղաքային քաղաքային տրանսպորտի գործունեության արգելքը և ուսումնական տարին սկսել հեռակա կարգով:
Այսպիսով, ծանր համաճարակաբանական իրավիճակի պատճառով հասարակական տրանսպորտի արգելքը երկարացվել է մինչև սեպտեմբերի 13-ը: Նախկինում հասարակական տրանսպորտը դադարեցվել էր օգոստոսի 14-ից մինչև սեպտեմբերի 4-ը:
Խորհրդի ուղերձում ասվում է նաև, որ դպրոցներում և բուհերում կրթական գործընթացը կսկսվի սեպտեմբերի 15-ին մինչև հոկտեմբերի 4-ը՝ հեռավար կարգով: Հոկտեմբերի 4-ից կսկսեն գործել նաև մանկապարտեզները:
Վրաստանի առողջապահության նախարարության տվյալներով՝ վերջին մեկ օրվա ընթացքում երկրում հայտնաբերվել է COVID-19 վարակի 4,778 դեպք, վերջին 24 ժամվա ընթացքում մահացել է 79 մարդ: Համաճարակի սկզբից ի վեր Վրաստանում կորոնավիրուսով վարակվել է 549 811 մարդ, մահացել է 7 408 հիվանդ:
