Թուրքական նոր հարվածային Bayraktar TB3 ԱԹՍ-ն առաջին թռիչքը կիրականացնի 2022 թվականին։ Այս մասին հայտարարել է «Բայրաքթար» ընկերության տեխնիկական տնօրեն Սելջուկ Բայրաքթարը՝ Ստամբուլում անցկացվող Teknifest փառատոնի ընթացքում, գրում է «Անադոլու» գործակալությունը։
«Նոր անօդաչու ինքնաթիռն իրական հեղաշրջում է իրականացնելու ռազմական արդյունաբերության ոլորտում: Մեր անօդաչու ավիացիան շատերին ստիպեց փոխել ռազմական կոնցեպցիան։ Հուսով ենք, որ նոր Bayraktar TB3-ն իր առաջին թռիչքը կիրականացնի 2022 թվականին, իսկ 2023-ին նախատեսում ենք կյանքի կոչել հայրենական անօդաչու ռազմական ինքնաթիռի նախագիծը»,- ասել է Սելջուկ Բայրաքթարը։