ՆԱՏՕ-ին Շվեդիայի և Ֆինլանդիայի անդամակցության գործընթացը չի շարունակվի այնքան ժամանակ, քանի դեռ չեն կատարվել Թուրքիայի պահանջները։
Ինչպես հաղորդում է ТАСС-ը, այս մասին չորեքշաբթի օրը հայտարարել է Թուրքիայի նախագահի պաշտոնական ներկայացուցիչ Իբրահիմ Քլընը։
«Մենք ցանկանում ենք, որ ահաբեկչական կազմակերպությունների դեմ կոնկրետ քայլեր ձեռնարկվեն։ Մենք ցանկանում ենք, որ հստակ քայլեր արվեն անվտանգության ոլորտում Թուրքիայի անհանգստությունը վերացնելու համար։ Եթե այս պահանջները, որոնք ես նշել եմ, չկատարվեն, այդ գործընթացը չի կարող շարունակվել», – ընդգծել է նա։
Քալընը հայտարարել է, որ թուրքական կողմը ՆԱՏՕ-ին անդամակցելու շուրջ Շվեդիայի և Ֆինլանդիայի պատվիրակությունների հետ բանակցությունների ընթացքում փաստաթղթեր է ներկայացրել հանրապետությունում ահաբեկչական համարվող Քրդստանի աշխատավորական կուսակցության (ՔԱԿ) կազմակերպության և նրա սիրիական «Ժողովրդական ինքնապաշտպանության ուժերի» ճյուղավորման մասին: Նա նաև ասել է, որ թուրքական կողմը Շվեդիայից և Ֆինլանդիայից պահանջել է անհապաղ վերացնել պաշտպանական արդյունաբերության արտադրանքի մատակարարման սահմանափակումները:
