ԱՄՆ-ի Նոր Օռլեանի (Լուիզիանա նահանգ) համալսարաններից մեկի տարածքում ավարտական արարողության ժամանակ տեղի ունեցած հրաձգության հետևանքով առնվազն երեք մարդ է տուժել, РИА новости-ի հաղորդմամբ՝ հաղորդում է Fox8 հեռուստաալիքը:
Ալիքի տվյալներով՝ միջադեպը տեղի է ունեցել Խավիեր կաթոլիկ համալսարանում։ Ականատեսների վկայությամբ՝ ավարտական արարողության ժամանակ տեղի է ունեցել ծեծկռտուք, որից հետո «հնչել է 5-12 կրակոց»:
Տեղի ոստիկանությունը հայտնում է, որ կասկածյալը ձերբակալվել է։ Նրա ինքնությունը չի բացահայտվում։
